luns, 21 de decembro de 2020

CLUB DE CIENCIA AGUIAR. NOVEMBRO 2020. "UN MUNDO INVISIBLE"

DEPARTAMENTO DE BIOLOXÍA E XEOLOXÍA: Celtia González, Laura Álvarez e Chus Santamariña.

Cultivos realizados con mans limpas e sucias. Cada placa Petri  divida en tres segmentos, un para cultivo de mans limpas (L), outro de mans sucias (S) e outro como control (C).

Desnaturalización de proteínas de clara de ovo con xel hidroalcólico do 70% e do 35%, para entender como interacciona o xel coas proteínas de membrana do coronavirus.






 
 

HORA DE LER

 


 

11ª Semana 

[5ª Sesión]

 
Con estas suxestións de lectura (Paul Auster, Hans Christian Andersen, unha antoloxía de microrrelatos navideños e o conto de Reis, de Rafael Dieste) chegamos á última semana lectiva do 2020. 
 
Aínda que os momentos que nos está a tocar vivir, estean marcados pola anamalía, abramos unha paréntese neste tempo de nadal: se cadra, ademáis do descanso e da reparación, mesmo, pechando os ollos,  saibamos recuperar a tenrura da infancia!
 **********
SUPUESTO  
   
   —Soy Papá Noel. ¡Créanme! ¡Soy Papá Noel!— gritaba el hombre vestido acorde a sus declaraciones desgañitadas. En vano intentaba zafar de los inclementes enfermeros de la Clínica Psiquiátrica Municipal, quienes estaban acostumbrados a maniatar y escuchar alaridos. A ellos ya no les sorprendían los supuestos Napoleones, los Bill Gates ficticios, las pretendidas Marilyn Monroe, tampoco los autoproclamados asesinos de Gandhi. Era de esperar que esa Nochebuena apareciera quien se crea Santa Claus.
   Lo que sí asombró al personal del neuropsiquiátrico fue escuchar en los noticieros, en la mañana del 25, que esa noche ningún niño del planeta había recibido su regalo.
 
Giselle Aronson

 

venres, 18 de decembro de 2020

CALENDARIO SOLIDARIO AGUIAR 2021

CALENDARIO AGUIAR 2021


   Así posan os artistas: Judith Sánchez García, Alfredo Faraldo Núñez, David Baladrón Arévalo, Noelia Yáñez Gómez, Inés Pena Medín, Yago Cortés, Mellado, [primeira fila]; Aroa Blanco Suárez, Lía Maceiras Sánchez, Alex Birsan, Nébeda Barreiro Vázquez, Adrián Roca Medal, Celia Sánchez Fernández, Erika Sofía Luces Bordón [segunda fila]. 
 

   Os seus traballos ilustrarán o Calendario Aguiar 2021. 
   Por segundo ano, impulsado polo Equipo da Biblioteca Sebastián Buedo Jiménez, e co imprescindible axuda de ACEBE e outras entidades, próximamente sairá á venda o Calendario Aguiar 2021 ao simbólico prezo de 5 euros. 
   Poderá ser mercado nos comercios de ACEBE e na secretaría do IES. 
  Todos os fondos que resulten da venda deste Calendario serán entregados, a través da Iniciativa Noel a CRIS: Cancer Research Innovation Spain
   Corresponde agradecer ao alumnado o seu entusiasmo e creatividade; a todos os profesores do Equipo da Biblioteca Sebastián Buedo Jiménez, en particular aos de Educación Plástica e Visual (Álvaro Rivas Ares, Susana Pérez Creo e Xosé Manuel Rey Bao), o xeneroso estímulo e a súa profesionalidade; a ACEBE, (outra vez!), a inmediata disposición a participar na distribución do calendario na súa rede de comercios; a Carmen Miragaya, o excepcional traballo de maquetación —nun tempo que supera anteriores records—. A entidade que sufraga silenciosamente a impresión merece todo o noso ruidoso agradecemento. A todos os participantes, grazas pola vosa creatividade. 
 
 
SEN DISTANCIAS 
 
   Non antes de que as xeadas de febreiro se farten de tinxir os campos. Nin antes de que enchoupen os prados as chuvascadas de abril. 
   Cando os ventos de maio agromen as flores das árbores ou cando a lúa chea alumee a noite de San Xoán. Se cadra, cando as estrelas ascendan o globo axudadas pola lúa nova de agosto. Ou cando as follas dos castiñeiros e dos carballos oculten os vieiros do outono. 
   Entón pasearemos polas rúas abrazados ou collidos das mans, cun sorriso nos labios, porque xa non nos separará ningunha distancia. 
 
   Ese día chegará…


 

martes, 15 de decembro de 2020

LECCIÓN DE ANATOMÍA

 

 O alumnado de Anatomía  de 1º de Bach atreveuse coa disección dunha pata de polo nas súas casas, levando así á práctica a teoría vista na aula.

Aquí tedes o vídeo feito por Lourdes Nieto Mantiñán, no que se identifican perfectamente os diferentes tecidos que compoñen a patiña do polo.

Noraboa polo traballo feito a toda a clase! 

domingo, 13 de decembro de 2020

HORA DE LER

10ª Semana 

[4ª Sesión]

Cantas veces ler permite habitar outro espazo, tanto ou máis real que o das nosas vidas. 

Pode ser que algún lector se adentre, grazas a estes relatos, nos mundos debuxados por Ray Bradbury e Manuel Rivas.

mércores, 9 de decembro de 2020

CLUB DE LECTURA DE ADULTOS BIBLOS AGUIAR


    No curso 2013/2014 o noso IES comezou a feliz aventura dos Clubs de Lectura, unha aventura que o día 20 de marzo de 2014 se extendeu aos adultos que manteñen ou mantiñan algún vínculo co noso Instituto. Desde ese día celebramos durante o curso unha reunión mensual na Libraría Biblos arredor dun libro. 
   Tivemos a sorte, moitas veces, de contar coa visita cos autores das novelas elexidas: Cristiana Sánchez-Andrade (Las inviernas), Anxos Sumai (Así nacen as baleas), Celso Castro (entre culebras y extraños), Raquel Vázquez (La ocarina del tiempo), Antonio Altarriba e Kim (El arte de volar), Antón Riveiro Coello (A ferida do vento), Inma López Silva (Aqueles días en que eramos malas), Eli Ríos (Luns), Sergio del Molino (La mirada de los peces), Marcos Calveiro (O xardineiro dos ingleses), Miguelanxo Prado (Presas fáciles), Arantxa Portabales (Deixe a súa mensaje despois do sinal), Antón Lopo (Extraordinario), Andrés Neuman (Hacerse el muerto), Raquel Vázquez (Paralelo 36), José Ovejero (Insurrección) e Arantxa Portabales (Beleza vermella).
   O pasado 12 de marzo, mediante un correo, notificamos a anulación do encontro con Javier Peña para falar de Infelices
   Agora reábrese a posibilidade de reactivar o Club de Lectura, aínda que adaptándonos á situación Covid e asumindo o protocolo sanitario. 
   As reunións pasarán a ter unha localizacion menos gratificante que a Libraría Biblos: serán, ben na Biblioteca, ben no Salón de Actos do IES nun horario semellante. 
   O límite do aforo condicionará que escollamos un ou outro espazo. En calquera destas dúas estancias, cada lector estará a un metro e medio dos compañeiros, polo que será bastante máis difícil copiar e, para moitos, a experiencia servirá como una rememoración (arrepiante?) dos tempos escolares. 
   As persoas interesadas en sumarse ao Club deben enviar un correo a bibliofranciscoaguiar@gmail.com co asunto Alta Club de Lectura indicando no corpo do correo o interese en participar. 
   
   A próxima data da reunión será o próximo luns 18 de xaneiro ás 19 horas na Biblioteca do IES. 
   
   Ese mesmo día os lectores poderán mercar, na embaixada da Libraría Biblos no nosos IES os próximos libros a ler: de Laura Suárez, a novela gráfica Os contos da néboa, e de Xesús Fraga o relato Virtudes (e misterios)
 
Equipo da Biblioteca 
 

 

martes, 8 de decembro de 2020

HORA DE LER


 9ª Semana 

[3ª Sesión]

morriña: substantivo feminino Sentimento e estado de ánimo melancólico e depresivo, en particular o causado pola nostalxia da terra. 

Sentía moita morriña no estranxeiro. Nos días de chuvia éntrame a morriña

Nos días de chuvia éntranos a morriña de emular ao neniño que debuxa Jimmy Liao tumbado entre follas de pradairo, carballo e castiñeiro. 

Aínda tan lonxe desa luminosidade e desas cores, chéganos o pulo para comezar a ler a Berta Dávila e Dylan Thomas.

mércores, 2 de decembro de 2020

CALENDARIO AGUIAR 2021

 


A Biblioteca Sebastián Buedo Jiménez organiza un concurso artístico-literario.


Todos os alumnos que desexen participar farán unha ilustración relativa a un dos doce meses do ano.

A ilustración levará un pé de imaxe cun pequeno texto en galego referido ao mes elexido.

A disposición da páxina será horizontal.


Os traballos orixinais serán entregados aos profesores de Educación Plástica e Visual ou na Secretaría antes do mércores 16 de decembro.


Os doce mellores traballos elexidos servirán para compoñer un Calendario Aguiar para o próximo ano 2021.

luns, 30 de novembro de 2020

HORA DE LER

 

HORA DE LER

8ª Semana [2ª sesión]

Atopar o noso verdadeiro rostro cando estamos a ler. 

Por exemplo, un conto de Cid Cabido ou de Jaume Cabré.

mércores, 25 de novembro de 2020

25 DE NOVEMBRO, DÍA INTERNACIONAL DA ELIMINACIÓN DA VIOLENCIA CONTRA A MULLER

Haberá algún día no que non sexa urxentemente imprescindible vestir de negro-loito para reinvindicar, con rabia, a igualdade entre persoas, para berrar, con ira, en contra da violencia machista.

Tamén pronto chegará o día no que as persoas poidan mirarse aos ollos sen medos, falar sen máscaras, tocarse as mans, prestarse un lapis ou unhas moedas para mercar na cafetería un bocata sen ter que respectar unha cola en ringleira: un mundo sen a distancia interposta dun metro e medio... 

Mentras tanto que potente a icónica imaxe que tomou Chus Santamariña aos seus titorandos. 

Oxalá axiña sexa historia.

 

 

O IES Francisco Aguiar mobilízase un ano máis no 25 de novembro, Día internacional da Eliminación da Violencia contra as mulleres.

Como centro, queremos mostrar o noso profundo rexeitamento de todas as formas de violencia que sufren as mulleres e vestindo de negro chamamos a afrontar este gravísimo problema que temos como sociedade.

Así mesmo, queremos agradecer publicamente ao Concello de Betanzos o lote de libros con temática igualitaria adquirido para a nosa biblioteca. 

venres, 20 de novembro de 2020

PANDEMIAS, Tomek Zarnecki & Gosia Kulik


TOMEK ŻARNECKI & GOSIA KULIK, Pandemias, Thule Ediciones, Barcelona, 96 páxinas. 

 ***

Este é un libro ilustrado aproxima ao lector a historia das pandemias que asolaron á humanidade: un libro informativo moi necesario para comprender o noso pasado e, polo tanto, para poder albiscar o noso futuro.




 


 

 

mércores, 18 de novembro de 2020

BETANZOS EN NEGRO

 

Agradecemos ao Concello de Betanos a doazón destes libros para apoiar os traballos didácticos na imprescindible procura da eliminación da violencia contra a muller.

luns, 16 de novembro de 2020

HORA DE LER


HORA DE LER

6ª Semana [6ª sesión]

Paisaxe outonal.  Unha folla de pradairo para lembrar onde temos que recomezar a lectura de obras como as de as obras de Paula Sánchez Regueiro, Violeta Silva Sánchez, Amaia Tomé ToméRaquel Vázquez ou Óscar García Ramos.

Que mellor proposta de lectura que as obras literarias que os nosos lectores saben escribir....  

martes, 3 de novembro de 2020

HORA DE LER

 

 


HORA DE LER

4ª SEMANA [4ª SESIÓN]

Compartimos esta semana as seguintes suxestións de lectura: as historias da muller esquelete e a morte amante o Xinete Descabezado, unha selección de micros de terror.

sábado, 24 de outubro de 2020

HORA DE LER

 

O pasado sábado 24 celebramos o Día da Biblioteca.

Hoxe, tendo entre as mans os relatos de Ana María Matute ou Stephen Dixon, podemos terStephen Dixon, podemos recordar as palabras da literata arxentina Jeannette L. Clariond: «Somos cando comezamos a leer. Existimos cando aprendemos a lernos». 

Lendo somos libres, somos libro.

DÍA DA BIBLIOTECA


 

#DíaDasBibliotecas #SempreAoTeuCarón 
 
 

    Unha biblioteca é un mapa do mundo onde cada individuo ten unha camisa mnemónica, chea de sutís trazos, códigos indescifrables, segredos para lubricar a alma, tónicos para a intelixencia e máquinas da mente con que nutrir a vesania. 
   Unha biblioteca é unha paisaxe, chea de harmonía, onde, en ocasións, as nubes non deixan ver o ceo, e unha floresta verde e luxuriante, inzada de perigos, que pon asombro e medo, o pánico estarrecedor e a atracción morbosa que infunde o caos.
   Unha biblioteca tamén é unha xerarquía, onde ningún individuo ten o mesmo valor, nin o mesmo peso, nin inspira o mesmo afecto ca outro. 
   Nunha biblioteca, o poeta, inspiradísimo, conversaba cos difuntos e escoitaba cos ollos os mortos, pois, ante todo, unha biblioteca é un sanctasanctórum onde toda metáfora ten asento, toda reverencia espazo, ocasión todo coñecemento, toda luz e toda sombra o seu momento. Hai, entre as pantasmas e saudades do tempo, deambulando entre vellos mamotretos e volumes estantarelados, un cativo de pelo roxo que lembra, cunha melancolía espesa como o mel de montaña, o arrecendo dunha biblioteca pública onde vivían Haddock e Tintín, Marsupilami, Jean Valjean, o último dos mohicanos, Asurancetúrix e a galaxia infinita da Enciclopedia Espasa. Acaso o cativo coceu o seu amor aos libros ao lume de merendas de pan de molete e chocolate duro, no mundo en branco e negro dun universo escaso e municipal, malia unidades de destino chamadas a máis grandes alcances.
   Unha biblioteca é, segundo se escoite, un coro de afinadas voces, nobres e sublimes, erguidas ao ceo como columnas de basalto, ou o pandemonio de milleiros de alaridos desgarrados, as voces do averno e do sufrimento. 
   Latexa nunha biblioteca o consello dos amigos, verdadeiros uns, prudentes e asisados, falsos e mentireiros outros, dobres como un espellismo. 
   Unha biblioteca vive espiritualmente, palpita e medra na medida do amor de quen a alimenta, como as plantas en maceta. Non existe armadura electrónica nin bastidor tecnolóxico capaces de conter tanta vida nin de alentar tanto sentimento, pois, tal que ocorre con todo o que é único, fermoso e imperfecto, unha biblioteca está chamada a desaparecer. Como os escravos no mundo antigo, tamén as bibliotecas se herdan e, tamén como os escravos, os seus individuos agardan unha manumisión que tal vez nunca chegue.
 

mércores, 21 de outubro de 2020

CONCURSO DE [MICRO] RELATOS DE TERROR


O Equipo da Biblioteca Sebastián Buedo Jiménez organiza un concurso de relatos e, por iso, tamén encaixan os microrrelatos: son tantos os expertos e as expertas que dominan as estratexias narrativas de condensación!
 
Unha antoloxía dos mellores textos constituirá a proposta de lectura na primeira semana de novembro.
 
Probablemente, haberá outros agasallos, entre os que non poderán faltar os caramelos.

***

Recepción dos traballos:

a) bibliofranciscoaguiar@gmail.com [Asunto: Concurso de relatos de terror] Doc anexo.
 
b) profesorado de Lingua galega e Lingua castelá.

luns, 19 de outubro de 2020

HORA DE LER


 

 

HORA DE LER

2ª SEMANA [2ª SESIÓN]

 

Cavilando, pode ser, sobre as mesmas sensacións que a lectora pintada por Shelley Thayer Layton, repensamos esas palabras lidas nos textos de Almudena Grandes ou Miguel-Anxo Murado, para volver aos misterios que tornan en algo tan real toda ficción.

martes, 13 de outubro de 2020

O ALUMNADO DE 1º DE ESO CONTRA A COVID

Na páxina web do IES levan tempo colgados o Plan de Adaptación á situación COVID-19 e o Plan de Continxencia, pero que ben explican as rapazas e rapaces de 1º de ESO as rutinas que permiten convivir nun instituto máis seguro.

Parabéns ao traballo da rapazada e da súa profesora Belén Iglesias!
 

HORA DE LER

 


HORA DE LER

1ª SEMANA [1ª SESIÓN]

 

Como ven sendo costume desde fai tantos anos xa, retornamos a ler, adicando os quince primeiros minutos da primeira sesión. Cada lectora ou lector pode traer da súa casa un libro, unha revista ou novela gráfica...

Para os que esquecezan traerlos (ou para os que acepten o reto) quedan dúas suxestións de lectura: unha selección de poemas de Wislawa Szymborska e outra pequena antoloxía de Louise Glück, as dúas últimas poetas merecedoras do Premio Nobel de Literatura (Symborska en 1996, Glück no 2020): poesía transparente para tempos de pandemia e mascarillas.

 

Ilustración: Fernando Vicente

xoves, 8 de outubro de 2020

HORA DE LER

 


O próximo martes 13 comeza 
 
HORA DE LER. 
 
Durante os quince primeiros minutos da primeira sesión os alumnos de ESO poden ler os libros, comics, revistas que traian da súa casa.
 
Tamén estarán á disposición do alumnado e profesorado en ALTO RISCO e na páxina web, polo menos, dúas suxestións semanais de lectura.

mércores, 7 de outubro de 2020

NA ESTRADA, Jack Kerouac

CHEGOU AOS NOSOS OÍDOS (E XA VIBRA NAS NOSAS MANS...)
O escritor, periodista e tradutor Xesús Fraga ven de publicar a versión ao galego dun fito da narrativa universal do século XX: On the road, de Jack Kerouac. 
Afortunadamente, xa podemos contar con esta «biblia da xeración beat» nos estantes da nosa biblioteca. 
 
Conecín a Dean pouco despois de separármonos a miña muller e mais eu. Viña de superar unha doenza grave da que agora non me peta falar, agás que estaba relacionada con aquela triste e tan fatigosa separación e a miña impresión de que todo estaba morto. 
 
I first met Dean not long after my wife and I split up. I had just gotten over a serious illness that I won’t bother to talk about, except that it had something to do with the miserably weary split-up and my feeling that everything was dead.
 
 

Fai varios días Xesús Fraga respondía ás preguntas de La Voz de Galicia sobre a súa versión de On the road e falaba dos seus proxectos, ente os que conta o seu desexo de poder presentar Virtudes (e misterios), libro do que vai a saír próximamente a súa segunda edición.

venres, 2 de outubro de 2020

luns, 24 de agosto de 2020

ORACIÓN EN EL HUERTO, Juan Gallego Benot

JUAN GALLEGO BENOT, Oración en el huerto, Hiperión, Madrid, 2020, 74 páxinas.

[PC GAL ora]


Amor, pregúntame esta tarde. Sabré aprehender 

tus palabras con mi alma de carne y de miseria; 

amor, desgráname en tus labios con los párpados; 

amor, derrama el cántaro en el rincón tranquilo, 

 viértete en la hondura de mi abierto mimbre: 

el agua que te ofrezco está desnuda en mi garganta.