Así nacen as baleas é unha novela líquida. Esa foi unha das conclusións dunha fecunda (e divertida) xuntanza coa escritora Anxos Sumai.
Anxos falou da orixe da novela: un traballo sobre a violencia sexista que a levou a analizar o que tamén ocorre no ámbito privado da familia.
A familia que conforman os donos da ferraxería Cándido oculta, tras o visillo do éxito económico e social, a infelicidade que acaba desencadeando a traxedia, nun mundo no que non hai amor para os seres singulares, que son rexeitados polas súas taras.
Unha historia sobre a amputación emocional, sobre a anomalía, sobre o desafecto... que está sustentada sobre unha arquitectura simbólica na que os encaixes, o funil e a corda e o caldeiro, pero por enriba de toda, a auga, condicionan a mirada intrusa do lector.
Aínda que non pertenzo do clube, disfrutei moito coa tertulia. Lin o libro hai xa uns anos e non lembraba moitos dos detalles, gustoume voltar a el e escoitar a Anxos... E o agasallo que lle fixéchedes é ben fermoso.
ResponderEliminarEu coordino o clube de lectura e encontros literarios da Biblioteca da Facultade de Ciencias da Educación. O lúns teremos encontro con Francisco Castro para falar da súa novela "Tes ata as 10", se alguén a leu e se anima a vir, estades convidadxs. É unha novela para todos os lectores/as aínda que está na colección "Costa Oeste". https://nebedaclubelectura.wordpress.com/