CONCURSO DE [MICRO] RELATOS DE TERROR

O Equipo da Biblioteca Sebastián Buedo Jiménez organiza un concurso de relatos e, por iso, tamén encaixan os microrrelatos: son tantos os expertos e as expertas que dominan as estratexias narrativas de condensación!

 

Unha antoloxía dos mellores textos constituirá a proposta de lectura na primeira semana de novembro.

 

Probablemente, haberá outros agasallos, entre os que non poderán faltar os caramelos.

***

Recepción dos traballos:

a) bibliofranciscoaguiar@gmail.com [Asunto: Concurso de relatos de terror] Doc anexo.

 

b) profesorado de Lingua galega e Lingua castelá.

HORA DE LER

HORA DE LER

2ª SEMANA [2ª SESIÓN]

Neste tempo, preámbulo de defuntos e ultratumbas, veña unha selección de microrrelatos de terror e algún conto no que un morto ben arrepentido non para de falar!

Ilustración: Rick Beerhorst

SAMADEFUNEEN NA BIBLIOTECA SEBASTIÁN BUEDO JIMÉNEZ

SAMADEFUNEEN NA BIBLIOTECA SEBASTIÁN BUEDO JIMÉNEZ

HORA DE LER

HORA DE LER

4ª SEMANA [4ª SESIÓN] 

Nesta semana que precede ao día de defuntos, procuramos seguir a ler. A proposta e imitar ao minino de Okada Chiaki. De seguro que anda a ler o conto de Otero Pedrayo O vello e máis o río, porque se tivera entre mans El gato negro de Edgar Allan Poe non tería esa faciana tan marcada pola serenidade. 

HORA DE LER

4ª SEMANA [4ª SESIÓN]

Nestas datas que anteceden o día de defuntos, ben podemos pensar que somos nós os que camiñamos por enriba do libro que a Morte le. 

Desacralizar a morte, desmontala con serenidade das súas maiúsculas ben pode ensinar a vivir a Vida. 

Son os medos moi necesarios para encarar os perigos. Mal administrados, eses medos poden ser un atranco para deixarnos vivir a vida.   

De todo iso (e de moito máis) falan Encol da morte do Bieito, un relato de Rafael Dieste, e este conto transilvano adaptado por Ana Cristina Herreros.

Deixamos a curtametraxe sobre o relato de Dieste (que fixera Xudit Casas), para os que pensan que convén ver tamén a película.

SAMADEFUNEEN OU OS PERIGOS MOI EVIDENTES DA LECTURA

E ti, quen ves sendo? Que dende aquí non vexo moi ben a tarxeta. Mr Bones?

A eles, ben os coñezo, aínda que non imaxinaba que o cruzar a porta do Instituto, así tan de primeiras, puxeran esa pose tan intelectual! Mesmo, ata están prestándolle atención os libros! Algún deses non será o libro das cincuenta sombras! 

 

Pois no o vexo. Na biblioteca deste instituto non hai moito espacio para as novidades. Moito Lovecraft, Poe e a Cornelia Funke, pero medo, o que verdadeiramente pon medo, e ler. Ou non? Fixádevos ben: 

 

A esquerda, ese rapaciño sorrinte...

...a dereita, unha alumna ou unha profesora revellida despois de moito ler.

Pensaredes que o da alumna ou profesora o digo por sexismo, ou porque veñen sendo elas as que len. Pois non, o digo por estética. Vós imaxinades a un profesor con pamela? Se a resposta e si, pediríavos que deixedes de imaxinar.  

A min, a verdade que algo non me cadra. Aínda vai ser que os rapaces nin pasaban por alí... A saber quen os colleu para non sei que experimento...