luns, 16 de decembro de 2019

CALENDARIO AGUIAR 2020





CALENDARIO AGUIAR 2020.

Xa está á venda o Calendario 2020 ao prezo de 5 euros.
O primeiro punto de venda é a secretaría do IES Francisco Aguiar.
Próximamente poderá ser mercado nos comercios de ACEBE.
Esperamos poder esgotar pronto esta primeira edición, porque, todos os fondos que resulten da venda deste Calendario serán entregados, a través da Iniciativa Noel a CRIS: Cancer Research Innovation Spain.


HORA DE LER

HORA DE LER 

12ª SEMANA [6ª SESIÓN] 


Aínda que os nosos alumnos e alumnas non son tan cativos como estes, cabe esperar que se deixen levar da man de Paul Auster e Hans Christian Andersen ata á última semana do 2019. 
 
O certo é que xa está moi perto ese tempo de feliz descanso e reparación que, por moito que algún se resista,
nos devolve, con tenrura, á infancia!

Ilustración: autor descoñecido

luns, 9 de decembro de 2019

HORA DE LER


HORA DE LER

11ª SEMANA [5ª SESIÓN]

«Un libro é un paxaro com máis de ás para voar». Quint Buchholz parece interpretar coa súa ilustración a greguería (ou aforismo lúdico) de Ramón Gómez de la Serna.
Os nosos alumnos pódense sentir libres amarrando as páxinas das suxestións de lectura para esta semana: os relatos de Berta Dávila e Samanta Schweblin.

sábado, 7 de decembro de 2019

CALENDARIO AGUIAR 2020

Xa está na imprenta o Calendario Aguiar 2020.
Cando comezou o curso 2019-2020 o Equipo da Biblioteca desexou engadir ás súas boas prácticas a elaboración dun calendario composto por ilustracións (con textos alusivos) do seu felizmente creativo alumnado.
En outubro apareceron publicadas as bases do concurso neste blog e na web.  
O Equipo da Biblioteca, os profesores de linguas, e, en particular, os de Educación Plástica e Visual (Marta Penalonga e Xosé Manuel Rey Bao), fomentaron  a participación dos alumnos. A selección dos traballos elexidos foi, como ven sendo de cotío, dificultosa, pois para algún dos meses do ano poderíamos ter premiados varios dos debuxos.
Unha vez composto o traballo tocaba buscar un patrocinador para costear os gastos da impresión.
Corresponde agradecerlle ao alumnado o seu entusiasmo e creatividade; a todos os profesores do Equipo da Biblioteca Sebastián Buedo Jiménez, aos de Educación Plástica e Visual (Marta Penalonga e Xosé Manuel Rey Bao), o xeneroso estímulo e a súa profesionalidade; a ACEBE, a inmediata disposición a participar na distribución do calendario na súa rede de comercios; a Carmen Miragaya, o excepcional traballo de maquetación —nun tempo récord—. 
A entidade que sufraga silenciosamente a impresión merece todo o noso ruidoso agradecemento.
Todos os fondos que resulten da venda deste Calendario serán entregados, a través da Iniciativa Noel [neste momento a 18.500 dos 330.000 euros necesarios] a CRIS: Cancer Research Innovation Spain.
 
Entre os nosos motivos de satisfacción, todos nosos alumnos, e, entre eles: Pablo Gilsanz, Lía Janeiro, Noel Balsa, Inés Fraga e Judith Otero [primeira fila], Matilda Silva, María Lata, Inés López, Claudia Pérez, Sara Sánchez e Andrea Segade [primeira fila].
 Sara Sánchez Negoitia

Nuria Beiro Doldán

luns, 2 de decembro de 2019

HORA DE LER

HORA DE LER

10ª SEMANA [4ª SESIÓN]

Aínda que os nosos lectores non manteñan a seriedade dos debuxados por Jimmy Liao, si poderán ter entre as mans (e ler con toda a atención) os relatos de Marica Campo e Vicente Gallego.

luns, 25 de novembro de 2019

HORA DE LER


HORA DE LER

9ª SEMANA [3ª SESIÓN]

Flamenca é a novela occitana do século SXIII na que se inspirou Rosalía para compoñer o seu disco El mal querer [2019].
Hoxe, 25 de novembro, segue sendo imprescindible recordar a terrible historia das irmáns Mirabal para manter enérxicamente vivo o mesmo activismo que lles costou a vida.

Estas son as nosas propostas de lectura (María Xosé Queizán, Juan Bonilla, Raúl Ariza, unha antoloxía de microrrelatos contra a violencia de xénero, Paula Carballeira, María Reimóndez, Marica Campo, Berta Dávila ou María Xosé Queizán) nesta semana tinxida pola cor negra: #Betanzos en negro, #Aguiar en negro, # Día Internacional para a Eliminación da Violencia contra a Muller.

sábado, 23 de novembro de 2019

XESÚS FRAGA, PREMIO BLANCO AMOR

CHEGOU AOS NOSOS OÍDOS

O xornalista de La Voz e escritor (exAguiar) Xesús Fraga gaña o premio Blanco Amor

   Unha obra presentada ao Blanco Amor de novela co lema A miña familia e outros emigrantes foi a elixida polo xurado encargado de conceder o galardón como o mellor dos 23 traballos presentados á trixésima octava edición do premio, un dos máis importantes do panorama literario galego. O autor de Virtudes (e misterios), o título do orixinal a concurso, é o escritor e xornalista Xesús Fraga (Londres, 1971).
   A novela, segundo se recolle na acta, recrea «as vicisitudes dunha familia das Mariñas coruñesas, marcada pola emigración a América e a Europa. Trátase dunha historia asentada na realidade da segunda metade do século XX, ben vertebrada e contada a través dun variado mosaico de lembranzas, sensacións, testemuñas, fotografías e o diario dunha nai». Con Londres como epicentro narrativo, e Venezuela como contrapunto, o xurado salientou á hora de dar a coñecer a súa decisión «a relación interxeracional permanente entre o neto e a avoa, unha figura forte que representa a épica das mulleres galegas nun tempo de extremas limitacións». O tratamento da linguaxe e a variedade de rexistros fai que sexa «unha novela para todo tipo de lectores».
   O escritor e xornalista da sección de Cultura de La Voz de Galicia recoñecía que Virtudes (e misterios) «é un libro ao que lle andei dando moitas voltas porque é a historia dos meus avós, que é como moitas das acontecidas nas familias galegas pola importancia que tivo a emigración». O avó de Xesús Fraga era zapateiro e un día decidiu emigrar a Venezuela, deixando muller e tres fillas cativas. Pasou o tempo e a muller reclamouno, mais el non volveu e tampouco quixo que alá fose ela. Como non había posibilidade de ir a América, a avoa de Xesús Fraga decide emigrar a Londres para sacar a familia adiante. E leva consigo a unha das súas fillas, a nai do escritor. E foi así como o autor da historia dos seus avós rematou nacendo en Londres e, co paso dos anos, pechando o ciclo coa volta a Galicia.
   E, como os seus devanceiros, o neno rematou por ser un emigrante nunha terra que non coñecía e na que se falaba un idioma que non era o seu, aínda que rematou por selo e do dominio do mesmo dan conta os premios conseguidos nestes anos, aos que agora se suma o Blanco Amor. «A miña intención era facer unha historia da emigración, pero non como as que xa coñecemos. Quería contar a emigración dende a parte dos retornados, dos que regresan e xa non son a mesma persoa e se atopan cunha realidade que xa non coñecen». O Blanco Amor de novela, que organiza a Deputación de Ourense, está dotado con 15.000 euros e o acto de entrega celebrarase o día 30 no Liceo da cidade. 

Xosé Manoel Rodríguez, La Voz de Galicia, 23 de novembro de 2019.

luns, 18 de novembro de 2019

HORA DE LER


HORA DE LER

8ª SEMANA [2ª SESIÓN]  

Unha das misións da arte é educar a mirada do espectador. Con este relato popular e este conto de Carlos Casares, poderíamos aprender a mirar aos nosos maiores doutro xeito máis empático (ou como diríamos nun pasado non moi alonxado, compasivo).


Ilustración: Philippe Jacquot

luns, 11 de novembro de 2019

HORA DE LER

HORA DE LER

7ª SEMANA [1ª SESIÓN]  

Como ben di o lema do cartel de Patricia Uresti Castilla, ler transporta; a nós elévanos a lectura dos relatos de  Agustín Fernández Paz ou de César Aira.

venres, 8 de novembro de 2019

ENCONTROS CON JOSÉ OVEJERO: MUNDO EXTRAÑO E INSURRECCIÓN




 






JOSÉ OVEJERO, Insurrección, Galaxia Guttenberg, Barcelona, 2019, 288 páginas.


   Uno de los textos que contiene Mundo extraño [Páginas de Espuma, Madrid, 2018], libro que mereció el XV Premio Setenil al mejor libro de relatos publicado en España, «Los escritores que me gustan» más que una narración es una nítida exposición sobre la Poética del autor. 
   Ovejero confiesa que admira a los escritores que desatan en él la necesidad de escribir, porque cada parcela de belleza esclarecida por el genio de un escritor, desvela la evidencia de todas las oscuridades que en el mundo merecen ser iluminadas. Los escritores que le gustan a la voz de ese texto que ha escrito José Ovejero, apelan al lector para convertirlo en un ser consciente de que la belleza es efímera; por ello, el cometido del escritor, debería ser, expandir la hermosura por el mundo. Tras este contundente aserto, llega la confesión: la voz de ese texto que ha escrito Ovejero admite que, más que una incompetencia para atender a ese cometido (procurar la belleza), su poética obedece a la pertenencia a la estirpe de los que escriben sobre el dolor y el estremecimiento, la de los que describen la fealdad del mundo para que el lector elija entre desear tener ilusiones o ser simplemente un patético iluso. En suma, un escritor que, condenado a envidiar las frases bellas de los otros (que reproducen fogonazos efímeros de la belleza que nos aferra a los comunes con optimismo al mundo), se resarce revelando las verdades incómodas y terribles que acompañan al ser.

   Insurrección va más allá del análisis de las siempre difíciles relaciones entre padres e hijos, más allá del estudio de la psique de una adolescente idealista o de las paradojas del utopismo del movimiento okupa, para situar al lector bien pensante ante un fresco contemporáneo que dibuja las consecuencias del llamado fin de la historia y la muerte de las ideologías (finales del siglo XX) a manos de un capitalismo dedicado a devorar globalmente el tuétano de cada individuo hasta arrojar sus deshechos al vertedero al que llevan el destierro de la clase obrera a las ciudades dormitorio, el desalojo de los viejos habitantes de los cascos históricos convertidos en parques temáticos para turistas, las injusticias laborales, el paro, los EREs, y algunas irracionales sacudidas de violencia, como la de los atentados que diseña el iluminado Alfon.


FRC

luns, 4 de novembro de 2019

HORA DE LER

HORA DE LER

6ª SEMANA [6ª SESIÓN]  

Ler, ben abrigadiños, entre cabazas e castañas, a José Ovejero (quen departirá este xoves cos alumnos de 1º de BAC e cos lectores do Club de Lectura de Adultos) ou a Rafael Dieste: xa chegou o fin do verán.

Ilustración: Alfonzo Fernández

luns, 28 de outubro de 2019

HORA DE LER

HORA DE LER

5ª SEMANA [5ª SESIÓN] 

Nesta semana (curta) que precede ao día de defuntos, procuramos seguir a ler. A proposta e imitar ao minino de Okada Chiaki. De seguro que anda a ler o conto de Otero Pedrayo O vello e máis o río, porque se tivera entre mans El gato negro de Edgar Allan Poe non tería esa faciana tan marcada pola serenidade.

xoves, 24 de outubro de 2019

DÍA DA BIBLIOTECA


A SEN CONTO

Non quería ser princesa, non quería ser liberada polo príncipe azul. Tampouco que o bico dun Príncipe a devolvese á vida; nin que a salvase da explotación infantil, non quería esconderse na casa dos sete ananiños e ser a súa criada ata que un príncipe a viñese rescatar. Non era capaz de renunciar á súa voz polo amor dun mozo; nin esperaba que san Xurxo a salvase do dragón. Nobres princesas condenadas a durmir ou ao silencio, por orde dunha madrasta, dun pai ou dunha fada boa.

E puxo os seus zapatos vermellos e fuxiu do seu conto, correu e correu buscando refuxio ata converterse nunha sen conto. Era unha sen libro, unha sen papeis, non a querían en ningures.

Nunha casca de noz navegou polo Mar das Letras, e naufragou. Nadaba contra a corrente, fortes ondas de frases afogábana, e cando se deu por vencida e se abandonou á súa sorte, de súpeto salvouna a capitá Pippi Långstrump, unha nena libre, xenerosa, que nunca se aburría, que se atrevía a cuestionar o razoamento dos adultos. Acompañada por Matilda, navegaban polo mar das letras para rescatar todos aqueles personaxes que se aventuraban a cruzar o mar buscando un conto mellor. Heroínas con forte sentido da xustiza e do deber de protexer os máis débiles.

Finalmente, despois de moitos atrancos, chegaron a porto seguro, o Porto da Biblioteca, o Paraíso do que lle falara Borges: un lugar cheo de tesouros afundidos, como lle dixera Virginia Woolf; unha nave espacial que a levaría aos recunchos máis afastados do universo; unha máquina do tempo que a transportaría ao pasado máis remoto e ao futuro más afastado; unha saída a unha vida mellor, máis feliz e máis útil, como lle explicara Isaac Asimov. Un lugar onde non necesitaba ser princesa para ser a protagonista de todos os contos.

Longa vida ás bibliotecas, refuxio de todas, tamén das sen conto, das sen libro, das sen papeis, das nenas que non queren ser princesas e dos nenos que non queren ser heroes. Longa vida aos bibliotecarios e bibliotecarias, gardiáns do Paraíso, de máquinas do tempo e de grandes tesouros como son os libros.


Texto: Gemma Pasqual
Cartel: Miguel Calatayud

Tradución: Héctor Cajaraville

luns, 21 de outubro de 2019

HORA DE LER

HORA DE LER
 
4ª SEMANA [4ª SESIÓN]

Nesta semana na que é moi probable que os nosos alumnos visiten os xardíns de Kensington, pode ser que atopen a Alicia, e ela leve entre as mans relatos de mulleres como Katherine Mansfield ou Sara Mesa que escriben reflectindo a incomodidade de vivir.

Ilustración: Raquel Díaz Reguera

luns, 14 de outubro de 2019

HORA DE LER

HORA DE LER
 
3ª SEMANA [3ª SESIÓN]

As suxestións de lectura para esta semán son un relato de Lyudmila Petrushevskaya da súa colección Contos de animais salvaxes e unhas fábulas de Esopo. Por iso, non hai outra ilustración mellor que a de Jimena Estíbaliz Carranza Dorado para suliñar a posible mímese.

martes, 8 de outubro de 2019

RAQUEL VÁZQUEZ, PREMIO LOEWE DE POESÍA JOVEN



La poeta almeriense Aurora Luque, XXXII Premio de Poesía Loewe Raquel Vázquez obtiene el reconocimiento a la Creación joven 2019 
Es la primera vez que ambos galardones en el mismo año encumbran a una autora

Este é o titular do xornal El País: parabéns a nosa ex Raquel por ter recibido un dos premios literarios máis importantes aos que pode optar unha poeta da súa idade.

luns, 7 de outubro de 2019

HORA DE LER

HORA DE LER
 
2ª SEMANA [2ª SESIÓN]

A ilustración de Yuko Shimuzu reflicte ben o que ocorre nos primeiros quince munutos da segunda sesión: rapaces concentrados a ler relatos de Berta Dávila ou de Marie Luise Kaschnitz.

venres, 4 de outubro de 2019

CONCURSO «CALENDARIO 2020»

A Biblioteca Sebastián Buedo Jiménez organiza un concurso artístico-literario.

Todos os alumnos que desexen participar farán unha ilustración relativa a un dos doce meses do ano. A ilustración levará un pé de imaxe cun pequeno texto referido ao mes elexido, seguindo o modelo que se pode visualizar clicando esta ligazón.

Os traballos orixinais serán entregados na biblioteca antes do 30 do presente mes.

Os doce mellores traballos elexidos servirán para compoñer un Calendario Aguiar para o próximo ano 2020.


xoves, 3 de outubro de 2019

LENGUAJE ENSAMBLADOR, Raquel Vázquez

RAQUEL VÁZQUEZ, Lenguaje ensamblador, Renacimiento, Sevilla, 2019.


TREGUA

Ningún amanecer
podría reducirse nunca a mera rutina.

Hay algo de milagro
en esa luz rugosa
que nos rehace en relieve mañana tras mañana.

Hay algo de milagro
si llega un día más el armisticio.
 


luns, 30 de setembro de 2019

xoves, 1 de agosto de 2019

A BALCONADA DOCE, MENCIÓN DE HONRA


Moi satisfeitos por este logro:
A balconada n.º 22, titulada Doce, realizada por grupo de alumnas de o IES Francisco Aguiar formado por Ana Boado, Celia Cernadas, Ana Pérez e Sonia Vázquez, baixo o asesoramento de o profesor José Manuel Rey Bao, consegue unha Mención de Honra.


 
 Primeiro premio. Balconada número 15 “ Tempus fugit” da autora Aida Rodríguez Donoso

luns, 17 de xuño de 2019

HORA DE LER

HORA DE LER
 
35ª SEMANA [4ª SESIÓN]

Tendo moi en mente o que está por vir, seguemos a ler aos nosos [ex] escritores: unha narración coa que Icía Rodríguez Arias obtivo o Accesit no Premio Minerva 2014: e un fragmento do libro de Raquel Vázquez Lied de lluvia para una piel ausente, poemario galardoado co primer premio no  V Concurso Literario Nuevos Creadores de Granada. 
Ilustración: Leandro Lamas

luns, 10 de xuño de 2019

HORA DE LER



HORA DE LER
 
34ª SEMANA [3ª SESIÓN]


Ler multiplica os nosos puntos de vista: fai de nós un pequeno xigante que leva tatuadas na súa pel todas as historias. 

Ilustración: Sergio García Sánchez

domingo, 9 de xuño de 2019

VII XORNADAS DE FORMACIÓN E SENSIBILIZACIÓN SOBRE A ATENCIÓN Á DIVERSIDADE

 



Algunhas das aportacións do IES Francisco Aguiar ás VII Xornadas de Formación e Sensibilización sobre a Atención á Diversidade

Betanzos 7-8 xuño de 2019.