HORA DE LER

 

A choiva convida aos lectores a procurar o abrigo.

 

HORA DE LER

Parece que o curso comezara antonte e xa estamos chegando ao final da primeira avaliación. 

Nesta semana na que a humidade que acompaña á perpetua choiva, lévanos da man ao abrigo, poden ser boas suxestións de lectura os relatos de Miguel Anxo Murado e Ana Cristina Herreros.

 

 

 

HORA DE LER

Son estes cúmulos productos da imaxinación de Rob Gonzalves ou a paisaxe dunha paixón que xurde da mirada dunha lectora que descansa, por estar a degustar as palabras de Nicolás Casariego Córdoba ou Agustín Fernández Paz?

HORA DE LER

Constitúen a proposta de lectura desta [micro]semana unha selección de microrrelatos de terror.

Medo: só temos medo a non experimentar medos!

HORA DE LER

Nestas datas que anteceden o día de defuntos, as lecturas ben poden axudar a desacralizar a Morte, a desmontala, con serenidade, das súas maiúsculas para ensinar a vivir a Vida.

Son os medos moi necesarios para encarar os perigos. Mal administrados, eses medos poden ser un atranco para deixarnos vivir a vida.   

De todo iso (e de moito máis) falan Encol da morte do Bieito, un relato de Rafael Dieste, e un conto transilvano adaptado por Ana Cristina Herreros.

Deixamos a curtametraxe sobre o relato de Dieste (que fixera Xudit Casas), para os que pensan que convén ver tamén a película. 

 

 

HORA DE LER

El libro es un pájaro con más de cien alas para volar. 

Ramón Gómez de la Serna. 

 

Como saídos dos tomos que alfombran o outono do lector, os relatos de Julián Ayesta e Etgar Keret ofrecen esta semana unha ventá á vida.

HORA DE LER

«A beleza existe. Atópase máis aló dun límite onde debemos deternos constantemente; non podemos ir máis aló para captar ou tocar a beleza; só podemos contemplala desde este límite e recoñecer que, si, realmente hai algo aí fóra, na distancia». 

László Krasznahorkai

Aproximar os nosos ollos ao papel para contemplar o mundo.

As palabras como chave da epifanía: a exaltación do amor de Xavier  Seoane ou a exposición do horror de Francisco Casavella e Julio Llamazares.