NOITE DE REIS

      

As cantigas de de Reis son parte dunha antiga tradición no rural de Galicia. A noite do 5 de xaneiro,  a rapazada ía  polas casas "cantando os reises" sabendo que recibirían a cambio castañas , algún doce ou calquera outro produto da cociña.

Os tres reises magos van para Belén, quitaron os zocos para correr ben. Escoiten señores o aguinaldo novo que naceu o neno metido nun ovo. Escoiten señores o aguinaldo vello que naceu o neno metido nun cesto. Déano-lo aguinaldo anque sexa pouco, un bo bacallao e a metade doutro. De postre castañas boas e ben grandes, un molete enteiro e un queixo de flandes

Xa chegan os Reies Magos / xa chegan en romaría i en Xerusalén preguntan / onde naceu o Mesías. Os xudeus lles contestan / que está en Belén de Xudea e ata alí se encamiñan / guiados por unha estrela.