venres, 14 de abril de 2023

EDURNE PORTELA: ENCONTRO CO CLUB DE LECTURA DE ADULTOS





  
    
     Escoitar a Edurne Portela é aínda máis embriagador que ler o que escribe. 
    Medio cento de persoas gozamos onte co magnetismo desta escritora vasca que compartiu con nós boa parte do proceso no que ela se achegou á figura de María Josefa Sansberro ata convertila na protagonista de Maddi y las fronteras, novela editada por Galaxia Gutenberg. 
   Soubemos das dificultades para elixir unha voz narradora, do reto ético que supuxo para a escritora abordar a subxetividade da personaxe de ficción a partir de documentación sobre a muller real e tamén do tormentoso proceso de achegarse á vida de alguén que padeceu os horrores do nazismo. 
   Edurne chegou ata Biblos da man de Javier Pintor. A ambos, o noso sincero agradecemento por facernos gozar coa boa literatura.
 
Crónica: Carmela González
Fotografías: Tucho Calvo

Ningún comentario:

Publicar un comentario