CORPO DE ANTIOCHIA, Tamara Andrés

TAMARA ANDRÉS, Corpo de Antiochia, Galaxia, Vigo, 2017, 84 páxinas.

 [PG AND cor]

Non hai beleza nas pegadas 

dos que abrigan a marchar, 

nin naqueles recantos onde 

agachamos a carne 

que nos arrincaron 

nin nos tempos 

que son roubados. 

Os éxodos son a fame 

da memoria. Cando suceden 

levamos con nós todos os nenos 

para que sexan eles quen abran 

o camiño. 

Nós calamos 

mentres comezamos 

a non lembrar.